Lo Grop de Trabalh per la Santat de la CTP, creat en 2019, coordenèt una responsa conjunta a la consultacion europèa sus las donadas e servicis sanitaris numerics e, mai concrètament, sus l’espaci europeu de donadas sanitàrias. Amb la tòca de garantir que se tengan en compte totes los punches de vista possibles dins la concepcion d’un cadre juridic per un espaci europèu de donadas sanitàrias, la Comission Europèa convidèt de personas e partidas interessadas a partejar lors punches de vista e experiéncias.
La tòca de la consultacion es de tornar mai aisit l’accès a las donadas sanitàrias e lor escambi, crucial per garantir una melhora accessibilitat, disponibilitat e abordabilitat, aital coma per encoratjar l’innovacion dins la santat e l’assisténcia. Lo recuèlh, l’accès e l’utilizacion de las donadas sanitàrias tenon d’escomessas especificas, mai particularament al moment de trobar l’equilibri apropriat entre lo partiment de las informacions e la preservacion dels interèsses e los dreches de las personas.
Aquesta responsa coordinada del Grop de Trabalh per la Santat tòrna afirmar l’enveja dels sèt territòris pirenencs de promòure la cooperacion sanitària e los interèsses dels ciutadans dels Pirenèus.
