Diferents, los nostes carnavals ? Diferentas, las nostas culturas e las nostas tradicions ? Gausatz lo díser a Be sent Pançard ! Be sent Pançard ! N’ac coneishetz pas ? Mes com ? Qu’ei lo rei deu carnaval, celèbre en totas los Pirenèus !
Qu’ei atau com se presenta Carnaval en comun, un micro-projècte miat per l’associacion La Ciutat e dab la participacion de la comuna d’Ansó, qui a per mira d’ahortir l’identitat comuna, la ciutadanetat transfrontalèra e la participacion sociau suu territòri.
A la debuta de l’annada 2023, las duas entitats qu’an tribalhat amassa entà organizar lo Carnaval d’Ansó e de Bearn segon la tradicion qui vòu qu’a la fin de cada Carnaval, Que sent Pançard que quite Pau e que hugeish a Ansó en Aragon . Qu’i espèra d’èste repescat l’annada seguenta entà tornar, trionfant, en Bearn.
Maugrat las maishantas condicions meteorologicas qui an empachat los bearnés de participar, los artistas dejà presents a Ansó que’s son cargats d’auherir de las danças carnavalesques e de las danças aus abitants d’Ansó.
Carnaval En comun qu’ei l’un deus 25 micro-projèctes programats dens l’encastre de l’aperet a micro-projèctes dens los Pirenèus, gerit conjuntament per la CTP, lo GECT Pirenèus-Pirenèus, l’Euroregion NAEN e l’Euroregion Pirenèus Mediterranèa.
