Era Comunitat de Trabalh des Pirenèus, en collaboracion damb es regions Nouvelle-Aquitaine e Occitanie; eth principat d’Andòrra; e es comunitats autonòmes d’Euskadi, Navarra, Aragon e Catalonha lance ua enquèsta tà tota era poblacion joena des Pirenèus.
Eth qüestionari, pensat entà persones d’entre 15 e 35 ans, cerque recopilar informacion sus eth perfil des persones que responen: a qué se dediquen, a on viuen, mès sustot qué preocupe as joeni des Pirenèus?
Disponible enes cinc idiòmes dera Comunitat de Trabalh des Pirenèus, era enquèsta abòrde tèmes escuelhudi per joeni participaires en Fòrum Transpirenenc dera Joenessa. Eth sòn objectiu ei descorbir es preocupacions d’aguesta part dera ciutadanetat entà poder aprigondir ena joenessa pendent era prumèra amassada deth Fòrum Transpirenenc dera Joenessa, qu’ei previst tara primauera de 2021 en marc deth projècte Pyrenean Youth, finançat peth programa Erasmus+.
Era enquèsta se pòt respóner ací enquiath 19 de hereuèr de 2021.
