LIFE PYRENEES4CLIMA
Objectius de l’estrategia
L’objectiu principau de l’estrategia EPiCC qu’ei de sostiéner mesuras integradas d’adaptacion e d’atenuacion qui crearàn sinergias positivas entà melhorar radicaument la resiliéncia de la region deus Pirenèus espanhòus, francesas e andorranas de cap au cambiament climatic. Lo projècte LIFE-SIP PYRENEES4CLIMA que sostien la soa començada completa. L’estrategia que segueish los principis seguents :
- LA COOPERACION TRANSFRONTALÈRA. Promòver l’interaccion enter las regions pirenencas en identificant las mesuras d’adaptacion prioritàrias comunas e en los armonizant dab los esfòrç regionaus e nacionaus ;
- GENERACION E TRANSFERIMENT DE CONEISHENÇAS. Promòver la coneishença interdisciplinària e interterritoriale, l’identificacion de las experiéncias e de las bonas practicas, la lor valorizacion e lo lor transferiment a tots los territòris e sectors deus Pirenèus ;
- L’ACCION INNOVANTA. Explorar, promòver e s’implicar dens apròchis innovants, tant en tèrmes de tecnologia qui de gestion e de governament, qui favorizan la connexion enter la sciéncia, la politica, la practica e la societat ;
- ACCION SINERGICA DAB L’ESTRATEGIA PIRENENCA DEU CTP. Promòver las sinergias dab los sectors e las accions d’atenuacion e l’integracion deu cambiament climatic dens las accions d’autes maines e sectors de l’estrategia pirenenca 2018-2024 ;
- VISIBILITAT EUROPÈA E INTERNACIONAU. Contribuar a la visibilitat europèa e internacionau de las especificitats climaticas de las zònas de montanha e deu caractèr transfrontalèr deus Pirenèus.
Objectiu especific 1
Melhorar la resiliéncia deus Pirenèus au cambiament climatic com element substanciau entà melhorar egaument la resiliéncia deus territòris ligats aus servicis écosystémiques o qui’n dependen.
Objectiu especific 2
Catalisar de las accions qui a per mira de demostrar la resiliéncia au cambiament climatic dens las zònas de montanha dens los 5 sistèmas identificats.
Objectiu especific 3
Ahortir la començada de las politicas europèas, de las politicas climaticas deus Estats espanhòu, francés e andorran e de las estrategias climaticas regionaus dens los Pirenèus per mèdi de la cooperacion territoriau.
Grops de tribalh e objectius operacionaus
Lo projècte LIFE-SIP PYRENEES4CLIMA qu’ei organizat en 12 grops d’òbras, alinhats suus 5 sistèmas identificats dens l’EPiCC.
D’un punt de vista mei operacionau, e entà la realizacion de cadun deus objectius estrategics, lo projècte qu’assegurarà la realizacion d’ua seria d’objectius operacionaus ligats aus grops de tribalh claus.
Los partenaris
Lo projècte LIFE-SIP PYRENEES4CLIMA que compta 40 partenaris beneficiaris, 6 entitats afiliades e 8 entitats associadas.