« POCTEFA 2014-2020 : Presentacion deus resultats » qu’ei estat un eveniment au cors de lo quau son estats presentats los resultats deus projèctes, las bonas practicas, las leçons apresas e un apercebut de çò qui serà lo POCTEFA 2021-2027. Mei de 300 personas qu’an participat a l’eveniment avent avut lòc los 4 e 5 d’octobre de 2022 a Bilbao, tanben plan en presenciau qui en linha.
Pendent la prumèra jornada, los representants institucionaus de la cooperacion transfrontalèra deu territòri qu’an debatut deu present e de l’aviéner de la cooperacion europèa e qu’an presentat quauques resultats remarcables qui son estats obtienuts e qui pòden estar obtienuts gràcias ad aquera cooperacion. Vint projèctes seleccionats per vòte popular qu’an egaument participat ad aquera jornada . Aqueths projèctes qu’an presentat lo lor trajècte e los lors resultats pendent sheis sessions tematicas : joenessa, mobilitat, santat, numerizacion e internacionalizacion, emplec, cambiament climatic e las montanhas. La jornada que s’ei acabada per un espaci dedicat au networking enter los projèctes e los partenaris interessats.
La dusau jornada qu’a consistit en un espiar cap a l’aviéner . Tres gavidaires de projèctes POCTEFA qu’an presentat exemples de collaboracion enter projèctes dens l’encastre de la capitalizacion deus resultats, tèma abordat pendent la reünion. En mei, dus representants de dus projèctes qu’an parlat de las leçons tiradas de la lor experiéncia de cooperacion e qu’an balhat conselhs sus çò qui cau har e non pas har quan se tribalha sus un projècte transfrontalèr. La darrèra session de la jornada qu’a consistit en ua presentacion de daubuns aspèctes deu programa navèth POCTEFA 2021-2027.
L’eveniment qu’avèva per mira d’encoratjar lo dialògue enter los actors deu territòri, a crear sinergias enter los portaires de projèctes e a discutir de l’importància de la cooperacion transfrontalèra.
La Comunautat de Tribalh deus Pirenèus qu’ei l’Autoritat de Gestion deu programa Interreg POCTEFA 2014-2020.
Mei d’informacions:
