La Comunautat de Trabalh dels Pirenèus, en collaboracion amb las regions de Nòva Aquitània e Occitània; lo Principat d’Andòrra; e las comunautats autonòmas de Bascoat, Navarra, Aragon e Catalonha lancèt en genièr darrièr una enquèsta a tota la populacion jove dels Pirenèus.
Lo questionari aviá per tòca de reculhir las informacions sus la populacion jove dels Pirenèus, en ciblar las questions que los preocupan mai e que la cooperacion transfrontalièra las poiriá ajudar a resòlver.
Las mai de 550 responsas obtengudas mòstran que 6 sus cada 10 personas que respondèron considèran qu’existisca una cultura pirenenca e que la natura e la durabilitat son las tematicas que los preocupan mai. Quales respondèron l’enquèsta considèran qu’aquestas tematicas son los qu’unisson mai los sèt territòris dels Pirenèus e la cooperacion transfrontalièra las poiriá ajudar a resòlver.
Questions socialas (feminisme, inegalitats, racisme, LGTBIQ+), lo trabalh e l’emancipacion o la santat e la medicina son autras tematicas destacadas coma preocupacions per aquestas joves personas.
Lo Fòrum transpirenenc de la joinessa es un projècte confinanciat pel programa Erasmus+ que se desvoloparà cap a la fin de 2022. Lo comunicat sancèr de las resultas de la consultacion publica se pòt descargar aicí.
