La Comission europèa, per mèdi de la soa Direccion generau de la politica urbana e regionau, qu’a seleccionat la Comunautat de Tribalh deus Pirenèus com l’ua de las cinc accions pilòtas a desvolopar a partir de 2023 sus las questions de governament multi-nivèus e d’estrategias transfrontalèras co-desvolopadas. La CTP que receberà lo sostien de l’OCDE entà tribalhar au melhorament de la coordinacion sanitària dens los Pirenèus.
Aquera seleccion que respon a un aperet a manifestacion d’interès a lo quau la CTP a responut en metent l’accent sus la necessitat de melhorar la coordinacion transfrontalèra dens los Pirenèus sus las questions de santat. En particular, que cercarà de desvolopar la coordinacion enter las administracions publicas e l’utilizacion de las ressorsas disponiblas entà ua mei grana eficacitat.
