Aragon
Aragon es la pòrta centrala per l’Euròpa dempuèi l’Espanha e lo Portugal. Sa posicion estrategica lo convertís en un ligam natural entre dos dels aisses de desvolopament mai importants d’Euròpa: l’atlantic e lo mediterranèu.
La posicion geoestrategica del territòri, la disponibilitat d’espaci, la concentracion de l’activitat economica e la capacitat de connectar de corredors e rotas fan d’Aragon una poténcia logistica reconeguda internacionalament, convertida dins las darrièras annadas en lo centre de referéncia logistica del sud d’Euròpa.
Aragon es una tèrra de paisatges excepcionals, de grands contrastes e ecosistèmas fòrça divèrsese, mai de 2,4 milions d’ectars de mont, dont un milion e mièg boscat. Un univèrs d’abitats diferents e d’espacis protegits.
Centres de recèrca, desvolopament e innovacion, e parcs scientifics e tecnologics, constituisson l’expression del potencial dins la recèrca e la transferéncia tecnologica en Aragon, que se destaca per sos investiments dins de sectors innovadors coma lo de las energias renovelablas.
Una tèrra que respira istòria e dont las traças seguisson frescas. Çaquelà se consèrvan monuments megalitics, pinturas rupèstras e vilatges iberics. Una Comunautat de contrastes qu’i convisquèron de crestians, josieus e musulmans. Una Comunautat amb un patrimòni artistic milenari. Del romanic al baròc, tot en passant per l’esplendor del gotic, lo mudejar e la renaissença.
Un territòri obèrt a l’Euròpa
Far partida de la Comunautat de Trabalh dels Pirenèus suspausa per Aragon la possibilitat de realizar sa vocacion europeista, que la far cercar Euròpa ja dins son Estatut d’autonomia.
Lo consòrci de la CTP se tròba incorporat a la Comunautat Autonòma d’Aragon e son sèti es a Jaca.
Dempuèi mai d’una decennia, Aragon desvolopa de contactes contunhs amb sas regions francesas vesinas, Nòva Aquitània e Occitània, dins un quadre de cooperacion establa e solida.
Aragon parteja amb aquestas regions una frontièra naturala fisica e una granda partida de sas principalas caracteristicas geograficas, economicas, socialas e culturalas. An la voluntat comuna de portar una responsa d’ensems a sas escomesas partejadas, demesir los empaches fisics, culturals, administratius e reglamentaris que pòscan frenar la cooperacion, atenuar l' »efièch frontièra », combatre ensems las escomesas derivadas de la condicion de frontièra, esplechar lo potencia dels dos costats dels Pirenèus e melhorar lo procès de cooperacion dins lo sen de l’Union Europèa.
Aquestes rapòrts se tradusisson en convocatòrias annalas que finançan de projèctes de cooperacion transfrontalièra.
Aragon participa dirèctament a l’Union Europèa, mai que mai pel mejan de l’Ofici d’Aragon a Brussèlas, que perseguís la presentacion, defensa e promocion dels interèsses d’Aragon dins las institucions e organs de l’Union Europèa. Participa egalament del Comitat de las Regions, dels Comitats de Comitologia de la Comission, dins lo domeni del Conselh, aital coma pel mejan de sa participacion a la Conferéncia de Subèctes Ligats a l’Union Europèa (CARUE en castelhan).
Donadas
| Susfàcia (en km) | 47.720 km² |
| Susfàcia de montanhas pirenencas (en km²) | 20.849 km² |
| Populacion | 1.308.728 (2018, IAE) |
| Densitat de la populacion | 27,43 abitants/km² |
| Capitala | Saragossa |
| Kms de frontièra ES-FR-AND | 136 quilomètres de frontièra amb la França |
| Províncias | Teròl, Òsca e Saragossa |
| Lengas | Castalhan e aragonés |
Contacte
Nom del president: Sr. Javier Lambán Montañés
Paseo María Agustín 36
https://www.aragon.es
Portal del Patrimonio Cultural de Aragón
Sistema de Información del Patrimonio Cultural Aragonés
+34 976714000
