La jurada de la 17a edicion del prèmi Pirene de jornalisme interpirenenc, formada per Alba Doral, redactritz del Diari d’Andorra, Marc Rodríguez, encargat de comunicacion del Govèrn d’Andòrra e Ester Pons, redactritz de Ràdio Ser Principat d’Andorra, après aver examinat los 16 trabalhs presentats, que 9 en premsa escricha e 7 en ràdio e television, a decidit d’autrejar los prèmis seguents:
- lo prèmi Pirene 2012 categoria Premsa Escricha, dotat de 3.000 èuros, al reportatge “A l’assaut de l’Aneto” de Patrice Teisseire-Dufour publicat per la revista Pyrénées Magazine. La jurada a apreciat l’intensitat del relat e l’elaboracion del lengatge qu’a permés als lectors de viure la sensacion de dificultat de l’ascension a l’Aneto. La qualitat dels imatges qu’acompanhan lo tèxt es estada soslinhada.
- Lo prèmi Pirene 2012 categoria audiovisuala, dotat de 3.000 èuros, al reportatge “La Cerdanya” de l’emission Terren personal dirigit per Núria Castejar, emés per Television de Catalonha lo 29 de mai de 2012. La jurada a apreciat la qualitat dels imatges e l’excellenta produccion. Desparièras realitats e de biaisses de relacion nòus ligats a un territòri concrèt, coma Cerdanha, an descrich en soslinhant los cambiaments que lor calga aver fach fàcia a las perspectivas que se dobrisson als Pirenèus del sègle XXI.
Mai d’informacions sul sit www.pirene.ad
