La cadena TVE 2 comencèt a difusar lo dissabte 27 d’agost los dètz episòdis de la seria Huellas trashumantes (Sus las traças de la transumància), ja difusats sus la Cadena Odisea en Espanha. Los capítols, d’una mièja-ora cadun, son difusats a 13 oras dins l’òrdre seguent : La cañada de los Roncaleses (Lo Valon dels Roncaleses) ; El cordel de las avileñas, de Extremadura a Gredos (La dralha de las abitantas d’Avila, d’Estremadura a Gredos) ; Trashumantes de Guadalaviar, por la cañada conquense (Los tropèls transumants de Guadalaviar, pel Valon de Cuenca) ; Caballos trashumantes de los Pirineos, la Vall Fosca (Los cavals transumants dels Pirenèus, la Valada Fosca) ; La vereda de las reses bravas, de sierra Morena a la sierra de Albarracín (La dralha de las bèstias bravas, de la Sierra Morena a la Sierra de Albarracín) ; Trashumancia al Mediterráneo, por la ruta del Llosar (Transumància cap a la Mediterranèa, per la rota de Llosar) ; Cabreros trashumantes extremeños, por el valle del Jerte (Los cabrièrs transumants en Estremadura, per la Valada del Jerte) ; La cañada de las Merinas, de las montañas cantábricas a Extremadura (Lo Valon de las Merinas, de las montanhas cantabricas a l’Estremadura) ; e La cabañera del pirineo aragonés (Lo pastre dels Pirenèus aragoneses) ; Cabreros trashumantes extremeños, a la sierra de la Vera (Los cabrièrs transumants d’Estremadura, cap a la Sierra de la Vera).
Cadun dels capítols s’arrestarà sus un itinerari de transumància. Descrivon los viatges anar e retorn, a la prima e a l’automne, la vida de pastres e d’elevaires dins lo valon e los espacis naturals que religan aquels camins tradicionals.
