La dependéncia qu’avèm, los païses europèus, de cèrts combustibles fossils e lo creissement exponencial de la demanda d’energia provòca lo besonh de soscar sus nòus modèls mai durables e lo besonh d’aplicar d’abituds mai responsablas. Aquelas jornadas son un espaci de dialòg, de formacion, de comunicacion e d’informacion, d’ont establir los ponts e los ligams de besonh per avançar cap al desvolopament integral e sostenible del Pirenèu que volèm.
Lo bastiment de bastissas e lo torisme son dos ponches importants a trachar dins un nòu paradigma de re-evolucion ambientala e energetica, seràn los tèmas principals que se desvoloparàn dins los desparièrs actes qu’intègran lo III Salon “Pireneu Sostenible”, dempuèi d’una perspectiva transversala e integranta, en permetent lo flux de coneissenças entre de professionalas e d’entrepresas del territòri pirenenc d’Andòrra, d’Espanha e de França.
Protegir l’environament d’un biais actiu amb d’immòbles qu’estàlvian d’energia e qu’emplegan d’un biais eficient los recorses e ofrir als visitans, convidats e residents un airal abitable, comòde e san e se beneficiar de las darrièras avanças dins aquel terren, aquò es la tòca del III Salon “Pireneu Sostenible” qu’organiza Idònia en 2012.