Limitis Forum es un concons de micro – vidèus adreiçat a joves d’entre 12 e 20 ans. Los vidèus presentats avián d’aver coma argumentari la crisi economica e no depassar las 5 minutas de duracion.
Lo darrièr mes de junh s’acampèt dins lo Centre d’Art Contemporani d’Huarte, a Navarra, la jurada del concors Limits Forum per causir los grops ganhadors. La decision foguèt pas aisida pr’amor que lo nivèl de las òbras presentadas èra elevat, es per aquò que la jurada decidiguèt incloure dos prèmis accèssit als dos prèmis existents.
Los ganhadors del concors foguèron l’Asociación Enbat d’Òsca amb son òbra Ver e Bernat Etxepare Lizeoa de Baiona amb K.R.I.S.I.A. Los prèmis accèssit foguèron per Ante la crisis da la cara de l’associacion educativa Berriztu e Los jóvenes en la crisis de l’associacion Annf.
Lo concors, un espaci de reflexion subre la crisi
Limitis Forum es estat un espaci de reflexion perque los joves pòscan expressar sos vejaires subre questions qu’arriban dins d’un contèxte de crisi. Tanben servís per establir una discutida subre las possiblas alternativas que se podrián menar a tèrme en aquela complicada situacion.
Lo projècte Limits Forum foguèt lo ganhador del prèmi de la CTP seccion jove 2012, fach que permetèt son sostén economic. I participèron 227 personas de divèrsas associacions amb un total de 21 òbras presentadas. Dins l’organizacion i partipèron divèrsas associacions, coordinadas per l’associacion Navarra Nuevo Futuro.
Un escontre previst a la tardor
Se comença a preparar una jornada d’escontre a Endaia per difusir los trabalhs presentats dins l’encastre del Hendaia Film Festival que se debanarà lo mes d’octobre de 2013.
Per mai d’informacion, cal consultar lo blòg del projècte.
