Cosinièrs espanhòls e franceses aguèron un reng-de-pè en Jaca lo 20 de setembre per aprochar al public los beneficis de la cooperacion a travèrs dels aliments.
A l’entorn de 250 personas participèron a l’eveniment. A mai, 70 dròlles poguèron experimentar lo trabalh de los cosinièrs dins un talhièr creatiu organizat per eles e ont aprenguèron l’importància de mantener una alimentacion sana. L’activitat es estada realizada amb la collaboracion de Sarga e Fundagro, sòcis del projècte GUSAPIR per la promocion del gost e dels sabors del Pirenèu, e amb lo sostén de la comuna de Jaca.
Dins la jornada s’elaborèron tres plats que foguèron ofèrts al public seguidament. Fermín Muñoz e Pablo Jesús Ororbia, del restaurant Las Caballerizas de Pampalona, elaborèron un gaspacho de cerièra amb formatge Apellacion d’Origina Idiazabal e esclapons de cambajon de Teròl. Serge Bergeret, cosinièr de Lorda, e Lioniel Darné, productor que cosina carn de pòrc Nègre de Bigòrra, faguèron un “pintxo” de filet al pebre d’Espelette e flor de sal de Salias, assasonat amb cambajon e salsissòt de pòrc nègre de Bigòrra. Per acabar, Toño Rodríguez, del restaurant Catering y Eventos del Pirineo de Jaca coissinèt un “pintxo” de ternasco d’Aragon, maridat amb pebrot piquillo e formatge cremós francés. Pendent lo tast tanben s’ofriguèt al public una seleccion de vins franceses e espanhòls.
Aquela es la quatrena annada que la CTP participa en aquela jornada, contribuïssent a la difusion de l’activitat menada a tèrme dempuèi l’Union Europèa per sosténer projèctes de cooperacion entre Espanha, França e Andòrra, donant a conéisser las tòcas que son capitadas dins las darrièras annadas e los desfisses futurs pausats.
