Dins lo projècte, las vilas de Benasc e Banhèras de Luishon coopèran per la mesa en valor, per la passejada pedestra, d’un camin istoric e simbolic en connectant los Pirenèus franceses e espanhòls.
Renomenada La “Rota 3404”, aquela apelacion fa referéncia al ponch culminant dels Pirenèus, l’Aneto, patrimòni natural comun. Aquel projècte a l’objectiu la valorizacion dels recorses patrimonials naturals, istorics e culturals d’aquel territòri.
Un patrimòni natural marcat per las mai nautas cimas de las Pirenèus e dels luòcs protegits: Pargue Natural Posets-Maladeta, Grand Sit Miègjorn-Pirenèus, Sit Natura 2000.
Un patrimòni istoric e cultural comun eretat dels escambis comercials, culturals, umans bastits al cors de l’Istòria malgrat una frontièra naturala comuna.
Lo torisme en essent lo motor economic d’aquel territòri, a aparegut pertinent de bastir un projècte de desvolopament toristic en collaboracion e en associant los divèrses actors.
Inscriu en un transcors de desvolopament durable, aquel projècte permet la descobèrta del territòri a travèrs d’una passejada que se vòl culturala e ludica, via una multiguida numerica.
La multiguida numerica, un esplech innovant per descobrir la Rota 3404
La multiguida numerica es l’esplech innovant qu’acompanharà los petits e los grands al cors de la descobèrta de la “Rota 3404”, de Luishon al Pòrt de Benasc.
A cada estapa, un contengut multimèdia s’avia automaticament mercés al GPS e permet de descobrir la “Rota 3404” jos totes los sieus angles: culturals, naturalistas, geologics, economics e istorics a travèrs de tèxtes àudio, d’entrevistas d’abitants e d’especialistas e tanben d’animacions.
L’aplicacion es descargabla gratuitament sus Google Play pels telefòns Android e lèu sus Appstore. Una ponch de descargament es disponible a l’Ofici de torisme de Luishon. D’un aute costat, de tauletas numericas son disponiblas gratuitament a l’Ofici de torisme de Banhèras de Luishon, en escambi d’una caucion.
