En aquel sens, la comission a remarcat l’importància que los programas futurs son orientats a obténer resultats tangibles per la poblacion del territòri concernit.
En aquelas jornadas, los responsables dels programas poguèron aprene las experiéncias d’autres collègas, conéisser lo logo comun que los programas partejaran en vista del periòde novèl de programacion e analizar lo procés e las datas de decision que Brussèla gerís aprèp la presentacion dels programas.
Los representants del POCTEFA qu’anèron a l’eveniment remarcan l’importància d’aquel rescontre annal ont se partéjan experiéncias, se lèvan dobtes e se cèrcan solucions a las dificultats e los desfís de totes los programas.
Aquel eveniment es un punt de rescontre dels programas de cooperacion territoriala que pel periòde 2007-2013 aguèron un budget de mai de 10.000 milions d’euros qu’an cofinançat mai de 6.000 projèctes en tot Euròpa.
Dins lo periòde 2014-2020, lo budget es de 9.200 milions d’euros de FEDER e se parteja del biais que seguís: 6.600 milions d’euros pels 60 programas transfrontalièrs (coma per exemple POCTEFA), 2.600 milions d’euros pels 15 transnacionals e 500 milions d’euros pels 4 interegionals.
