Per resultat del rapòrt de la comission parlamentària sus la politica transfrontalièra remés al Primièr Ministre francés al mes de junh de 2010, lo prefecte de la region Miègjorn-Pirenèus, amb lo sosten de la DATAR, a exprimit son desir d’agrandir sas coneissenças sus la realitat de las relacions economicas e los ligams transfrontalièrs entre França, Espanha e Andòrra, en començant dos estudis:
- Estudi suls ligams transfrontalièrs, es a dire, sus totes los aspèctes de la vida vidanta dels ciutadans, menat a tèrme per las entrepresas CPC, BPC Europe e IDOM,
- Estudi sus las relacions economicas, menat a tèrme per las entrepresas Edater e Iniciativas Innovadoras.
Las preconizacions concrètas d’aqueles dos estudis estrategics coordinats e finançats per l’Estat francés foguèron presentadas per lors autors a Tolosa, lo 28 d’octòbre de 2011. Los estudis descrivon una zòna frontalièra de multiplas realitats, implicada en un procès d’integracion economica e territoriala, mas que s’afronta a nombroses obstacles, e prepausan preconizacions concrètas per eliminar aqueles obstacles.
Aital, l’estudi sus la realitat dels ligams transfrontalièrs entre França, Espanha e Andòrra apòrta de solucions a cinquanta problèmas claus, recurrents o representatius dels desparièrs territòris e de desparièra natura, en mai d’evocar las responsas donadas pels projèctes començats dins aquela frontièra o dins d’autras frontièras francesas. Las linhas de trabalh prepausat son:
- Començar un grop de reflexion entre zònas per metre en comun las coneissenças e los escambiar en onor de possibles progrèsses;
- Desvolopar la capitalizacion e lo profechament de las experiéncias;
- Escambiar de foncionaris e personal administratiu pendent un periòde cort;
- Adaptar los servicis de l’Estat als creissents besonhs d’escambi;
- Refortilhar la practica lingüistica del país vesin.
Per çò qu’es de la realitat de las relacions economicas als dos costats de la frontièra franco-espanhòla-andorrana, los elements del plan d’accion prepausat son los seguents:
- Manténer de mesuras economicas dins los programas de cooperacion;
- Manténer un ais o una mesura especifica pels projèctes d’estructuracion d’infrastructuras de comunicacion transfrontalièra;
- Estimular la cooperacion en cèrts endreches d’excelléncia de la zòna frontalièra e, en particular, dins lo sector del torisme;
- Mesurar d’un biais mai precís l’impacte de las diferéncias de la legislacion fiscala e sociala dins las activitats las mai competitivas;
- Crear de pòles experimentals de desvolopament economic transfrontalièr (PDET) en fàcia a establir zònas economicas amb un estatut especific;
- Refortilhar lo seguiment dels efièches e de l’impacte dels projèctes INTERREG e permetre la sostenibilitat e la transmission de las coneissenças aqueridas.
Descargar telematicament un resumit de cada estudi (disponible qu’en francés):
Resumit de l’estudi suls ligams transfrontalièrs – 2011
Resumit de l’estudi sus las relacions economicas transfrontalièras – 2011