Aquel projècte contribuís a consolidar una collaboracion transfrontalièra de formacion e d’investigacion sanitària e sociala en prepausant: qualques formacions sanitàrias e socio-sanitàrias, un acompanhament per l’investigacion, la constitucion d’un pòle d’espertitge dins los domenis de l’intervencion sociala e socio-sanitària. Aquel projècte a per mission de desvolopar e consolidar los escambis transfrontalièrs dins los domenis de la formacion e de la recèrca en sanitari e social. Aital, dels ensenhaments comuns son prepausats, de diplòmas univesitaris transfrontalièrs creats, d’escambis entre recercaires dels dos costats de la frontièra encoratjats, la formacion contunha desvolopada… Tot aquò per favorir la dubertura d’esperit suls biaisses de trabalhar dins los meteisses encastres, promòure las mobilitats sul territòri, liberalizar los encatres sanitari e social. 78 professors son estats mobilizats per menar a ben aquel projècte qu’a ja permeses a 350 estudiants de beneficiar de mobilitats (estagis, ensenhaments comuns…). Al delà, 767 professionals se son beneficiats de la formacion contunha dins aquel encastre. Los finançaments acordats s’elèvan a mai de 3,4 milions d’èuros, d’entre los qu’1,9 milion es pels trabalhs (65 % de FEDER europèu atribuits a travèrs del programa POCTEFA) e 1,5 milion pels fraisses de foncionament (65 % per l’Euròpa e lo Feder).

Los nòus locals inaugurats lo 5 de març son nascuts de la reabilitacion d’un espaci d’ancians talhièrs situats carrièra Charles Percier a Perpinhan. Aquel espaci serà dedicat a la collaboracion transfrontalièra dins los domenis sanitari e social e comprenon mai de 600m2 d’entre los que i a 2 salas de corses, un anfiteatre de 190 plaças, un centre de documentacion sus dos nivèls e d’espacis de burèus. Al delà, ETFERSASO fonciona jos forma d’estructura «Defòra de Murs», es a dire capable d’intervenir en tot ponch del territòri transfrontalièr. Lo prolongament de la siá accion prendrà efièch amb la siá estructuracion juridica dins lo campus d’excelléncia Pirenèus Mediterrani.

Per ne saber mai: www.etfersaso.org