Lo 9 de julhet se debanèt a Jaca lo seminari final de l’Observatòri Pirenenc del Cambiament Climatic (OPCC), un projècte desvolopat per la Comunautat de Trabalh dels Pirenèus (CTP) e cofinançat amb fons FEDER pel Programa Operatiu de Cooperacion Territoriala Espanha-França-Andòrra (POCTEFA).
Pendent mai de tres annadas, las uèch regions del territòri CTP an conjugat esfòrces per avaluar los impactes del cambiament climatic dins los Pirinèus amb la tòca de se poder adaptar a las consequéncias negativas.
Pendent la jornada de dimecres 9, los responsables del projècte presentèron a las installacions a Jaca de l’Institut Pirenec d’Ecologia (IPE) los resultats de las accions empresas per l’OPCC subre divèrses aises: clima, biodiversitat, boscs, riscs, aiga, teledeteccion e geoportal.
Lo dijòus 10, s’acampèt la Comission Tecnica de Seguiment per avaluar l’estrategia generala de l’OPCC e definir linhas d’actuacion futuras.
