Johannes Hahn, comissari europèu de politica regionala, amassa amb László Andor, comissari europèu d’emplec, afars socials e integracion, presentèron lo 6 d’octòbre de 2011 las prepausas de reglaments de la Comission Europèa relativas a la politica de coesion pel periòde 2014/2020 (Legissètz aicí las prepausas de tèxtes).
Pendent se debanava lo Conselh plenari de la CTP de 27 d’octòbre 2011, los Presidents faguèron lo compte rendut de las prepausas de la Comission Europèa relativas a la politica de coesion pel periòde 2014-2020 e cridèron al sosten dels Estats e del Parlament Europèu. Per çò qu’es de la CTP, actor principal sul plan europèu de cooperacion transfrontalièra, cal destacar la plaça importanta qu’a dins la cooperacion transfrontalièra en aquelas prepausas. Cal pas desbrembar que la CTP es la primièra entitat transfrontalièra d’Euròpa que gerís un programa europèu dempuèi 2007.
En se valent de la siá experiéncia unica en gestion transfrontalièra integrada e de l’innovacion que n’es cresençadièra en fàcia al renfortiment de l’integracion territoriala europèa, la CTP a ja anonciat a la Comission Europèa e als Estats membres que, quand serà lo moment, presentarà sa candidatura per gerir los fons europèus de cooperacion transfrontalièra pel periòde 2014-2020. Amb aquel objectiu, es mai que mai activa e o serà encara mai en 2012 dins l’avenenta preparacion de la generacion de programas.
Alavetz, la primièra amassada annala dels programas de cooperacion transfrontalièra que se celebrèt lo 25 d’octòbre de 2011 a Brussellas a permés que los representants de las Autoritats de gestion, es a dire, la CTP, los Secretariats Tecnics Amassats e autres sòcis, discutiscan amb la Comission sul tèxte de la politica de coesion pel periòde 2014-2020 e, mai que mai, sus la proposicion de reglament sus cooperacion territoriala europèa. Aquela amassada a permés abordar tanben las questions relativas a la mesa en marcha d’objectius, e tanplan las questions ligadas al melhor biais de mesurar l’impacte d’aqueles programas de cooperacion.
Per un autre costat, e totjorn amb la tòca de devenir la futura autoritat de gestion del programa 2014-2020, la CTP participa tanben activament al resal Interact que trabalha en apuèg, lo supòrt e la cooperacion entre los desparièrs programas de cooperacion europèa. En mai, Interact apòrta las siás coneissenças sus totas aquelas questions e agís en estrecha e constanta collaboracion amb la Comission Europèa. La CTP a tanplan participat a seminaris sul seguiment e l’avaloracion, lo contraròtle, la comunicacion e los sistèmas d’informacion dels futurs programas.
