CTPren Gazteria Saria, “Pirinio inguruko estazioetako lanbideak” izeneko proiektuak jaso du aurten, Pirinio inguruko mugaz gaindiko elkarlanerako proiektuak, gazteak lan munduan sartzeko, lurralde horretan dauden neguko kiroletako estazioekin eta zentro termalekin erlazionaturiko lanbideen bitartez.
Midi-Pyrénéetako Lycée des Métiers Joseph Marie Jacquard izenekoa da mugaz gaindiko elkarlanerako proiektu horren bultzatzaile nagusia, eta Aragoiko hiru ikastetxe ditu bazkide (Pedrolako I.E.S Siglo XXI, Alcañizeko I.E.S. Bajo Aragón eta Huescako CPIFP Innovación Pirámide). Proiektuaren helburua, Pirinioetako turismo termalarekin eta neguko kirolekin erlazionaturiko lanbideetarako langileak prestatzeko erreferente bilakatzea da.
CTPren Gazteria Sariak 10.000 €-ko hornidura du, gazteriaren aldeko mugaz gaindiko elkarlaneko proiektua ezartzeari laguntzeko diru kopurua.
Aurten CTPren Sari bakarra eman da, Gazteria saria, “Eragile dinamikoak” sekzioari dagokion saria hutsik geratu baita.
