Dempuèi CERAI-Aragón (Centre d’Estudis Rurals e Agricultura Internacionala), e en collaboracion amb l’APMM (Associacion de Populacions de Montanhas del Mond) se son organizadas las Segondas Jornadas Pirenèus Vius a Espeleta-Itsasu dins lo Pirenèu basc francés lo divendres 28, dissabte 29 e dimenge 30 d’octobre 2011. Aquelas jornadas, dins la linha de las Primièras Jornadas celebradas a l’Aínsa dins lo Pirenèu aragonés (Espanha) en febrièr d’ongan, s’inscrivon dins lo Projècte Pirenèus Vius qu’a per tòca de valorejar las montanhas pirenencas. Aquesta iniciativa transfrontalièra visa culminar en la creacion d’un Projècte Pilòt Europèu de Valorejament dels Pirenèus en basa a la participacion e la cooperacion entre actors socials espanhòls e franceses.
Al cors d’aquelas jornadas, se tractaràn qualques tèmas coma l’incorporacion (o permanéncia) dels joves al territòri e a las activitats del Pirenèu, la dimension internacionala del Projècte de Pirenèus Vius o la gastronomia de montanha. En mai, las jornadas comptaràn amb de personalitats tan considerablas coma José BOVÉ, Vice-president de la Comission Agricultura e Desvolopament Rural del Parlament Europèu, aital coma d’un representant de la Comission Europèa per tractar lo tèma de la PAC e dels fons comunitaris de l’UE.
Per realizar las inscripcions a las jornadas e lo pagament dels otèls e repaisses collectius contactatz Raúl Julián: per corrièr electronic: administracion.aragon@cerai.org per telefòn: +34 976 59 97 11
Podretz tanben realizar las inscripcions per mejan d’un formulari que serà a la vòstra dispausicion sul siti web: http://www.pyrenemountain.eu/
Data limita per las inscripcions e lo pagament : 25 d’octobre.