Lo Comitat de Seguida del POCTEFA s’acampèt lo darrièr 12 de març en Andòrra la Vièlha per avançar en la redaccion definitiva del Programa Interreg V A Espanha-França-Andòrra (POCTEFA). Sobre aquel programa s’articularà l’estrategia de cooperacion transfrontalièra entre Espanha, França e Andòrra a desvolopar pendent lo periòde de programacion, lo 2014-2020.

Aprèp lo mandadís a la Comission Europèa d’una primièra version del Programa en setembre e dos meses d’intens trabalh per incorporar sas observacions (recebudas en desembre), los sòcis del Comitat de Seguida aprobèron en son darrièr acamp una segonda version de l’Interreg V A POCTEFA que serà mandada novament a la Comission Europèa amb l’idèa d’obtener son aprobacion definitiva.

La Comunautat de Trabalh dels Pirinèus, Autoritat de Gestion d’aquel Programa, espera recebre l’aprobacion en los meses que vénon per poder procedir a sa crida oficiala pendent lo segond semestre de 2015. Tota l’informacion sobre lo POCTEFA 2014-2020 se pòt consultar dins sa pagina web www.poctefa.eu.