Una crida a projèctes de nivèl nacional es estada lançada a l’escala del territòri francés a profièch de la cobertura naut debit de las zònas ruralas.
Dotat de 30 milions d’euròs de fons europèus (FEADER) dins lo quadre del plan de relança europèu, a començat lo 23 d’octobre de 2009 e se clavarà lo 31 de genièr de 2010.
Lo Conselh de l’Union europèa de 11 e 12 de decembre de 2008 a anonçat la mesa en obra d’un plan europèa de relança economica. Aquel plan es dotat d’una « partida rurala » per reduire notadament la fractura numerica dins aquelas zònas en matèria d’Internet a naut debit.
La mesa en obra de la « partida rurala » del plan europèu de relança serà declinada, en França, per una crida a projèctes nacional que comença lo 23 d’octobre de 2009. 30 milions d’euròs del Fons europèu agricòla pel desvolopament rural (FEADER) seràn especificament destinats a aquel enjuòc.
Aquela crida a projèctes nacional constitua un element clau per la generalisacion del naut debit sul territòri en complement de las iniciativas actualament menadas al nivèl nacional. Visa tanben a preparar lo passatge al fòrça naut debit.
De mai, s’agís, al travèrs d’aquela crida a projèctes, de participar al bon equipament de las zònas ruralas per acompanhar lor dinamisme, facilitar l’accès als servicis al public e contribuir al melhorament de l’equilibri de territòris, tot en renfortissent la capacitat de reaccion de l’economia francesa dins son ensem.
Los 30 milions d’euròs de FEADER seràn utilisats segon un principi de cofinançament de mejans portats pels collectivitats territorialas.
Los dossièrs son a pausar en prefectura de region fins al 31 de genièr de 2010.
La lista de projèctes seleccionats serà desvelada en mai de 2010.
Informacions praticas
