Pirinioetako Lan Elkarteak ‘Nire uda Pirinioetan‘ argazki lehiaketaren lehen edizioa deitu du. Ekimen horren helburua Pirinioetako lurraldearen natura eta kultur ondarea ezagutaraztea eta balioa ematea da, argazkien bitartez.
18 urtetik gorako edozeinek har dezake parte, bere argazkiak abuztuaren 18tik irailaren 30era bitartean bidaliz ctppoctefa@gmail.com helbide elektronikora. Irabazleak bi gaueko egonaldia jasoko du Jacako Reina Felicia hotelean. Pirinioen oinetan dagoen herri horrek aisia eskaintza zabala du, eta CTPren egoitza da duela hogeita hamar urte baino gehiagotik.
Lehiaketan parte hartu ahal izateko, hautagaiak CTPren jarraitzaile izan beharko du Twitterren (@ctppoctefa) edo “atsegin dut” sakatu Facebook-eko gunean (Communauté de Travail des Pyrénées/Comunidad de Trabajo de los Pirineos).
Lehiaketara aurkeztutako irudiak sare sozialen bitartez zabalduko dira, #PirineosEuropeos hashtag-a erabiliz. Pirinioetan igarotzen baduzu gaua, ez duzu aitzakiarik! Har ezazu parte!
Kontsulta itzazu lehiaketa honen oinarri osoak esteka honetan.
