Jos la forma d’un Agropament Europèu de Collaboracion Territoriala (AECT), aquela convencion pretend "emprigondir la collaboracion entre las doas regions e contribuir a la creacion d’un grand espaci de relacions, d’escambis e de projèctes comuns". Las doas Regions desiran melhorar e refortilhar las siás accions en matèria de transpòrt de las personas e de las merças, en matèria d’investigacion e d’innovacion (per la mesa en resal, sustot dels clusters e dels pòles de competitivitat), en matèria d’educacion e de formacion, de cultura, de politica lingüistica, d’agricultura, d’alimentacion, de santat, de desvolopament durable, eca.
L’equipa de l’euroregion serà installada dins los sieus locals a Hendaia en començament d’annada 2012 e una concertason serà mesa en marcha amb totas las fòrças vivas que podràn contribuir a far viure aqueles escambis. Un primièr plan d’accions serà presentat a la seguida en març.
Aquela es la segonda euroregion, una es estada ja estat creada en agost 2009 entre la França e l’Espanha, en amassar Miègjorn-Pirenèus, Lengadòc-Rosselhon, Catalonha e Balearas.
