Lo projècte de cooperacion transfrontalièra MARE URDINA, programat en primièra convocacion del POCTEFA 2007-13 per la proteccion del litoral cantabric entre Aquitània e lo País Basco, es estat seleccionat coma exemple dels projèctes qu’an lo sostén de l’Union Europèa en França.
Lo 14 de julhèt, Jornada Nacionala de França, la cadena publica France 3 emetrà a 18,55 oras un pichon documentari subre las capitadas d’aquel projècte entreprèsas entre 2008 e 2010, e investiguèron 1,5 milions d’euròs FEDER a travèrs del POCTEFA.
Un còp emés, lo reportatge serà disponible al canal de Youtube de “L’Europe en France” coma partida de la campanha al nivèl nacional “L’Européen d’à côté”.
MARE URDINA aviá coma toca sensibilizar la populacion transfrontalièra de la riquesa de son territòri costièr, avaluar d’un biais periodic la qualitat de l’aiga e bastir un malhum de “gardians de la còsta”.
