Idoia Arauzo, actuala coordinadora de l’Observatòri Pirenenc del Cambiament Climatic, e Carles Miquel, Cap de l’Oficina de l’Energia i del Canvi Climatic de Andorra, presentèron lo 29 d’octobre los resultats de l’OPCC fins a 2014 e lo plan d’accion del projècte per las annadas que venon dins l’encastre del XXIII Conselh Plenari de la CTP.

Los setze referents de l’Observatòri e sa coordinadora son a trabalhar a l’entorn de quatre aisses –clima, aiga, biodiversitat e bosques- e preténdon contribuir a que l’OPCC contunhe essent un referent de l’estudi del cambiament climatic en territòris de montanha, dins e fòra d’Euròpa.

Amb lo dessenh de son plan d’accion, l’OPCC cerca far abordable lo coneissement cientific perque l’informacion recampada pòsca èsser utilizada pels destinataris als quals tòca; collabora amb centres de recèrca, participar dins lo vam de l’estudi del cambiament climatic dins los territòris de montanha e consolidar l’analisi de sos impactes dins la frontièra dels Pirenèus. 

L’Observatòri comencèt a funcionar l’annada 2011 amb la tòca d’avaluar l’incidéncia del cambiament climatic dins los Pirinèus per poder minimizar sas consequéncias e s’adaptar a sos efèits. Per aquò, se son identificats e caracterizats sos impactes sobre las ressorças naturalas de montanha, de las qualas depéndon los sectors socioeconomics mai vulnerables.

Entre los resultats obtenguts dins la primièra fasa del projècte –qu’acabèt en 2014- destacan la confeccion d’un atlas floristic comun, l’elaboracion de mantunes indicators que ténon compte los efièchs de las variacions climaticas e de los periòdes de secada o la publicacion d’una basa de donadas d’iniciativas d’adaptacion en montanha.

L’ensemble de resultats del projècte pòdon èsser consultats (FR e ESP).