Pendent lo seminari final del projècte RES’PIR celebrat lo darrièr 10 de junh a Fois, los sòcis del consòrci transmèteron sa disposicion de donar una seguida a las accions empresas dempuèi que comencèron a trabalhar amassa en 2010.
En aquelas quatre annadas, cinc entitats d’Arièja en Migjorn-Pirenèus e Girona en Catalonha an cooperat per bastir una ofèrta conjunta de torisme sostenable e de qualitat en plena natura dins l’encastre pirenenc transfrontalièr. En aquel temps, tretze entrepresas de torisme actiu d’Arièja e onze de Girona son estadas certificadas per RES’PIR coma partida del malhum toristic transpirenenc.
“La seguida d’un appròchi de qualitat per un torisme actiu sostenable dins l’espaci transfrontalièr pirenenc” foguèt lo titol d’un seminari final dins lo qual s’exprimit la necessitat d’involucrar en mai grau a entrepresas de léser a l’air liure dins lo territòri e s’extrapolèron los resultats de l’observatòri d’espòrts a l’air liure.
Per saber mai subre las conclusions de RES’PIR, visita son siti web.
