La coordinacion de l’Observatòri Pirenenc del Cambiament Climatic realizèt un torn de visitas pendent lo mes de febrièr per definir, al costat dels referents en matèria de cambiament climatic de las uèch regions, lo novèl Plan d’Accion de l’Observatòri.

A mai de debatre sobre los objectius a cort e mejan tèrme e d’idear possiblas accions a desvolopar ensems, la coordinacion e los referents de l’OPCC analizèron las opcions de sostén economic de projèctes qu’oferís l’Union Europèa dins de l’Estrategia Orizont 2020.

Las uèch regions sòcias de la Comunautat de Trabalh dels Pirenèus (Euskadi, Navarra, Aragón, Catalunya, Aquitaine, Midi-Pyrénées, Languedoc-Roussillon e Andorra), s’han engatjat a sostener e desvolopar l’Observatòri Pirenec del Cambiament Climatic, un dels projèctes mai importants pendent lo periòde 2007-2013 e que se vòl un referent en matèria de cooperacion e cambiament climatic lo 2014-2020.