Lo centre d’ornitologia de la Reserva de la Biosfèra d’Urdainai aculhiguèt la clausura del projècte MONNA. Pendent una jornada amb lo titol “MONNA: Monitoratge de la natura e dels animals”, los cinc sòcis del projècte expausèron los resultats obtenguts dempuèi l’inici d’aquela iniciativa lo mes de març de 2012.
MONNA nasquèt amb la tòca de desvolopar lo monitoratge de la natura coma mejan per l’adopcion de politicas publicas eficientas en gestion de l’environament e de la biodiversitat. En dos annadas e gràcias a la cooperacion transfrontalièra de divèrsas entitats del País Basc e Aquitània, MONNA a obtengut dos metòdes novèls pel monitoratge d’aucèls gràcias a tecnologias de dispositiu de seguiment (GSM-GPS i Sigfox) que se presentan coma una alternativa fàcia a tecnicas mai tradicionalas. Aqueles dos dispositius s’utilizan ja amb succès en mai de vint aucèls. A mai, s’es desvolopada una plataforma interactiva de seguiment e una aplicacion mobila adreçada al torisme per la localizacion d’aucèls dempuèi dispositius Android.
Consulta aicí totas las entressenhas subre MONNA.
