Per acompanhar economicament la realizacion d’un projècte de cooperacion transfrontalièra portat per establiments de l’ensenhament segondari e de la formacion professionala de son territòri, la Comunautat de Trabalh dels Pirenèus (CTP) decidiguèt de crear en 2009 lo “Prèmi dels Pirenèus Joventut”.

La primièra edicion d’aqueste concors, clavada lo 31 de decembre de 2009, compta un total de 16 candidaturas sus tèmas tan variats coma lo desvolopament sostenible, l’artesanat, l’orticultura o encara la creacion d’entrepresa…

La jurada de seleccion que se tenguèt lo 18 de març passat, retenguèt coma ganhant del Prèmi dels Pirenèus Joventut 2009 lo projècte “F.A.I.R.E.: Formar A una Insertion professionala Reüssida Europèa”. Son objectiu es de favorizar l’adaptacion professionala dels joves dins lo domeni de la restauracion.

Per aquò, lo Licèu Charles Cros (Carcassona – Lengadòc Rosselhon) e l’IES San Lorenzo (Òsca – Aragon) recebràn lèu una dotacion de 10 000 èuros de la CTP e seràn convidats a presentar la sieu iniciativa a l’ocasion del Conselh Plenari que ven.

Sètz un establiment de l’ensenhament segondari e de la formacion professionala originari del territòri de la Comunautat de Trabalh dels Pirenèus e desiratz menar un projècte de cooperacion transfrontalièra amb un autre establiment d’aqueste territòri?

Esitètz pas a consultar la rubrica “Prèmi dels Pirenèus” de nòstre sit internet: lo règlament e lo formulari de candidatura de l’edicion 2010 del Prèmi dels Pirenèus Joventut seràn lèu disponibles!


Per mai d’informacion sul Prèmi dels Pirenèus 2009, telecargatz:

lo bilanç de las 16 candidaturas
la presentacion sintetica del projècte ganhant