Lo president de l’organisme transfrontalièr coneguèt lo siti de la CTP, plaçat a Jaca dempuèi la naissença de l’institucion fa mai de 30 annadas, ont mantenguèt un acamp amb l’equip tecnic de la CTP e del POCTEFA. Aprèp, foguèt recebut a la comuna de Jaca per lo cònse, Víctor Barrio, e sòcis de la corporacion municipala e signèt lo Libre d’Onor de la Vila.
“La cooperacion transfrontalièra es plan importanta pel desvolopament social e economic de las regions que compausan la CTP. En lo Jorn d’Euròpa es important remarcar los progrèsses qu’avèm fach dins d’aquel sens, mas encara mancan plan de causas a far, es pr’aquò qu’anam continhuar collaborant d’un costat e l’autre dels Pirenèus”, remarquèt lo president de la CTP dins sa primièra visita a la vila dempuèi qu’ocupa sa responsabilitat.
Dins sa visita a Jaca, lo President tanben poguèt conéisser lo siti istoric de la CTP qu’es al centre de la vila, a la Torre del Relòtge.
