Aquela docuweb s’es difusada dins lo territòri e al nivèl nacional a travèrs d’una campanha on-line dins la premsa regionala numerica, e tanben dins de malhums socials e dins los cercadors. La tòca: sensibilizar la poblason subre la cooperacion transfrontalièra, los beneficis pel territòri e los ciutadans. Tanben a permés informar los beneficiaris potencials de las oportunitats que balha un territòri transfrontalièr coma lo nòstre.

La docuweb creada pel POCTEFA oferís als usatgièrs una informacion mai agradiva e participativa subre los projèctes menats a tèrme dins lo territòri pendent lo periòde de programacion 2007-2013. La integracion de vidèus, los tèxtes, las fotos e los grafics dins una meteissa platarforma multimèdia permet als usatgièrs seleccionar l’informacion que desiran véser, ço que permet una experiéncia mai liura e interactiva.

Lo desvolopament d’aquel nòu esplech de comunicacion permet garantir la visibilitat de l’accion menada a tèrme per l’UE sul terren amb lo sostén economic de projèctes de cooperacion territoriala dins l’espaci transfrontalièr Espanha-França-Andòrra. Concretament, destaca lo dinamisme dels actors del territòri e los impactes del Programa e los beneficis dins lo territòri e sa poblacion.

Per consultar la docuweb del POCTEFA, cachatz aicí.