Lo 10 de novembre de 2010 darrièr, la Comission Europenca publiquèt lo Ven Rapòrt sus la Coesion Economica, Sociala e Territoriala, que soslinha qu’en vista dels cambiaments economics e socials importants subrevenguts aquelas darrièras annadas, la politica de coesion ara es confrontada a de nòvas escomesas. Dins lo contèxt mai espandit de la revision budgetària de l’UE, lo Rapòrt soslinha que los investissaments futurs dins l’encastre de la politica de coesion devon seguir de fòrça prèp los objectius d’Euròpa 2020. Lo Rapòrt propausa tanben d’introdusir de condicions mai que mai estrictas, en mai d’incitacions, per garantir l’utilisacion eficaça dels fonses destinats a la politica de coesion, aital coma una focalisacion superiora suls resultats.
Dins los comunicats a venir, vos informarem sus las linhas directrises adoptadas per l’Union Europenca.