Lo darrièr divendres 27 de febrièr s’acampèròn dins los II Forum transfrontalièr agroalimentari a l’entorn de 70 productors e distribuidors de produches locals de Bidasoa Sud País Basc sobre la tematica “Innovacion, competitivitat, promocion, contactes”.
Lo rescontre s’organizèt dins l’encastre del projècte Innov Mugabe 2×2, promògut per Bidasoa activa e l’Aglomeracion Sud País Basc e cosostengut al 65% per fons europèus FEDER a travèrs del POCTEFA 2007-2013 (Programa de Cooperacion Territoriala Espanha-França-Andòrra).
L’objectiu del POCTEFA e d’Innov Mugabe 2×2 es afortir l’integracion economica e sociala de la zona transfrontalièra e desvolopar activitats economicas, socialas e environalas transfrontalièras a travèrs d’estrategias per ensems pel desvolopament territorial sostenible. En aquel sens, lo II Forum transfrontalièr agroalimentari volguèt acampar entrepresas del sector agroalimentari de las 14 comunas que constituisson Bidasoa Sud País Basc per abordar tematicas coma los plans de promocion del sector agroalimentari, los programas de sostén a projèctes e servicis innovators, l’e-comèrci, l’importància del packaging, las manièras d’estalvi energetic o las novèlas iniciativas de marketing (coma la campanha de “Gure Gourmet”).
Amb l’intervencion de cinc expèrtas en la matèria, se dobriguèt un espaci per rescontres bilaterals de networking entre productors e distribuidors que supausèron una oportunitat per butar en comun sos produches e servicis e entreprene novèlas collaboracions empresarialas.
Coma clausura, s’ofertèt un tast de 8 broquetas elaboradas pel cosinièr Iñigo Lavado sus la basa d’una seleccion de produches locals. A mai, pendent tot l’eveniment, se poguèt visitar una exposicion sobre la qualitat e diversitat de la produccion agroalimentària de la zòna.
