Lo Kursaal de Sant Sebastian aculhiguèt lo 13 de setembre passat la Jornada de clauson del projècte CTFP (Campus Transfrontalièr de Formacion Professionala), un projècte qu’a associat de centres de formacion professionala d’Euskadi e d’Aquitània amb la tòca de promòure l’emplec e de garentir lo desvolopament economic dins aquela zòna transfrontalièra.
L’artesania e la formacion professionala son una font de creacion d’emplec importanta tant en Guipuscoa coma en Pirenèus Atlantics. Per melhorar la formacion ofrida, los centres de formacion Ikaslan Guipuscoa e la Chambre de Métiers et de l’Artisanat de Pirenèus Atlantics jonguèron lors fòrças en un projècte de campus transfrontalièr.
Los sòcis comptèron amb lo finançament europèu a travèrs del POCTEFA per la començada del projècte. En la Jornada de clauson se signèt un engatjament de cooperacion ont los sòcis son per la continuitat del projècte, en avançant en coeréncia amb las tòcas de l’estrategia EURÒPA 2020 cap a una formacion professionala de qualitat…
Mai d’informacions sus lo projècte CTFP aicí.
