Aprèp tres annadas d’esfòrces conjunts de la part de la Comunautat Forala de Navarra e lo departament francés dels Pirenèus Atlantics, lo projècte TRANSARLAS, cosostengut en un 65% per fons FEDER a travèrs del POCTEFA, a atench consolidar una marca e un espaci comun transfrontalièr per la practica de l’esquí e autras activitats de montanha e lèser dins las valadas de Baretous e Roncal.
La tòca iniciala d’aquel projècte èra trencar amb la marcada estacionalitat de l’ofèrta toristica en aquelas doas valadas de montanha, associada gaireben en exclusivitat a la practica de l’esquí. Per aquò, entre d’autras accions, se son organizats e difusats circuits per biciclètas de montanha e nòus camins interpretatius amb panèls per conéisser la flòra, la fauna e los cims de la zòna. En mai, s’es previst lo bastiment d’un pargue infantil, una pista de ‘tubing’ e lo bastiment d’un ostal per la recepcion d’usatgièrs amb de comunas, magazins de bicicletas e un garatge per maquinària de dralhat de pistas.
L‘eveniment de clausura e la presentacion de resultats aurà luòc lo dijòus 18 de desembre en La Mata de Haya e en las installacions de RONCALIA, dins la valada del Roncal.
