La Comunautat de Trabalh dels Pirinèus celebrèt aquel dijous son XXXII Consèlh Plenari gràcias a un rescontre en Andòrra entre los representants politics de las uèch regions sòcis e los actors d’aquels territòris implicats en projèctes de cooperacion.

Las uèch regions frontalièras (Euskadi, Navarra, Aragon, Catalonha, Lengadòc-Rosselhon, Miegjorn-Pirenèus, Aquitània e lo Principat d’Andòrra) s’engatjèron davant los mai de 200 assistents a potenciar la cooperacion entre elas e a transformar la frontièra pirenenca en un “endrech de rescontre”, coma o exprimiguèt lo vice-president de Midi Pyrénées, Marc Carballido.

Mikel Antón Zarragoitia, director de la Secretaria d’Afars Europèus del Gobierno Vasco, demandèt “consolidar la vòtz transfrontalièra” de la Comunautat de Trabalh dels Pirinèus e far d’aquel consòrci de regions una entitat “protagonista” en Euròpa. Dins d’aquel sens, se manifestèt Iban Rabasa, director general de Relacions Exteriors de la Generalitat. En representacion de Catalonha, Rabasa apelèt a l’engatjament polític per afortir lo trabalh de la CTP, una entitat amb 32 annadas de vida qu’auèi seguís sent “innovadoira e precursora”.

Lo conselhièr de Cultura, Torisme e de Relacions Institucionalas de Navarra, Juan Luis Sánchez de Muniáin, e la conselhièra regionala del Lengadòc-Rosselhon, Suzanne Delieux, afortiguèron aquela meteissa idèa al remembrar que la cooperacion transfrontalièra, dins lo sen de l’Union Europèa, “naturala, necessària e inevitabla”. François Maïtia, vice-president del Conselh Regional d’Aquitània, assegurèt tanben que sa region trabalharà amassa per que la CTP seguisca “animant e desvolopant” la cooperacion entre los actors economics e socials dels territòris transfrontalièrs per “melhorar la qualitat de vida de sos abitants”.

Francisco Bono, conselhièr d’Economia e Emplec del Govèrn d’Aragon, soslinhèt, per la siá part, las oportunitats qu’ofrís la CTP per generar un “mercat laboral transfrontalièr” e lo ministre d’Afars Exteriors d’Andòrra, Gilbert Saboya, clausurèt lo Plenari en exprimissent son intencion de “far escotar la votz integradora de la CTP mai enlà dels Pirenèus”.

Lo jorn anterior, los representants de las uèch regions signèron la Declaracion Comuna de Presidents.