La CTP convida aital los actors del territòri a presentar de projèctes, abans lo divendres 15 de julh, data de barradura de l’apèl a projèctes, suls aisses seguents:
– Desvolopament e consolidacion dels rets tematics de Recèrca
– Mobiliat dels cercaires
– Projècte de Recèrca e desvolopament tecnologic.
Per alhors, aquel apèl a projècte concernís las tematicas de recèrca especifica al quadre pirenenc, las que s’aparentan a las tematicas de l’interès comun pirenenc aital coma las que son ligadas a las accions prioritàrias del 7en Programa Comun per la Recèrca e lo desvolopament de l’Union europenca. Las accions qu’integran un anar de desvolopament durable seràn valorisadas al moment de l’instruccion dels dorsièrs.
Un pauc d’istòria. Dempuèi quinze ans, la CTP permet a de cercaires franceses, espanhòls e andorrans de botar en comun lors praticas per fin de desvolopar de projèctes estructurants sus l’ensem del massís pirenenc. L’objectiu d’aquel apèl a projèctes es de desvolpar l’économia e l’innovacion sul territòride la CTP en sostenent lo sector de la recèrca. Aital, cada entitat que compausa la CTP lança aquel apèl a projèctes sus son territòri puèi, decidís dels projèctes a sostenir.
A notar qu’a partir de l’annada que ven, un formulari unic serà botat a la disposicion dels cercaires per aisir los anars administratius e adoptar de critèris de seleccion e d’evaluacion comuns.
Per consultar e respondre a l’apèl a projèctes, rendètz-vos suls sitis dels territòris:
Region Miègjorn-Pirenèus : apèl a projècte dubert dempuèi lo dimarç 3 de mai, clicatz aquí.
Region Aquitània : apèl a projècte dubert dempuèi lo 4 de mai, clicatz aquí.
Region Lengadòc-Rosselhon, a partir del dijòus 26 de mai, clicatz aquí.
Per las regions espanhòlas e la principautat d’Andòrra, vos informarem de las datas de dubertura de l’apèl a projèctes a venir lèu lèu.
Telecargar lo reglament unic de l’apèl a projècte en Francés e en Espanhòl.
