En preséncia dels partenaris del projècte, la Deputacion de Girona, lo Conselh General dels Pirenèus-Orientals, lo Conselh del Desvolopament del País Pirenèus-Mediterranèu e lo Consortium Vias Verdas de Girona, lo circuit de ciclotorisme comun es aital estat desvelat : lo percors manlevarà las vias « verdas » e las vias de ciclotorisme preexistentas per unir los dos costats dels Pirenèus e afortir un modèla touristic durable que permetrà de metre en valor los atots territorials.

 

Per organisar aquel ret, dotat d’una sinhalisacion e d’una promocion armonisadas dels dos costats de la frontièra, las institucions preveson la mesa en comun dels procediments tecnics necessaris a l’amenatjament dels troçons, per fin de conectar las vias jà lançadas dins las doas regions. Aquel projècte, d’un costt total de 1.654.775 euròs, es finançat a 65 % pel programa europèu FEDER dins l’encastre del Programa de Cooperacion Territoriala l’Espanha – la França – l’Andòrra (POCTEFA).