Aquel programa a la tòca de finançar la prestacion de servicis de diagnostic tecnologic dirigit a promòure d’accions d’innovacion e de melhorament competitiu en 10 entrepresas del nòstre parçan.
S’avètz identificat un projècte d’innovacion, vos donam l’escasença de trabalhar pendent qualques meses amb l’entrepresa fornisseira de servicis especializats dins l’airal a diagnosticar. Aquelas entrepresas fornisseiras poiràn èsser de Centres Tecnologics, de Centres de Formacion Professionala, d’Engenhariás especializadas e d’autras entrepresas de servicis especializats.
Lo còst del servici de diagnostic tecnologic prestat pel fornisseire es finançat a 100% per Bidasoa activa a travèrs del projècte Innov Mugabe, finançat pel programa POCTEFA de l’Union Europèa e, s’establís en 5.000 èuros (sens TVA).
Per de rasons de reglamentacions desparièras entre lo nòrd e lo sud de la frontièra, se pòt pas lançar lo programa amb las meteissas basas. Mas la Communauté de Communes Sud Pays basque es a premanir las basas per poder lançar lo programa plan lèu. Que los futurs candidats sián atentius al sit web del projècte Innov Mugabe e de la Communauté de communes Sud Pays basque!
Per çò qu’es del programa lançat per Bidasoa activa, lo tèrme de presentacion dels projèctes finaliza lo 25 de febrièr, e abans del 12 de març se comunicarà a las entrepresas sollicitantas la resolucion del Programa. Las entrepresas beneficiàrias auràn del 12 de març al 12 de junh per la realizacion del diagnostic e liurament de la documentacion justificativa.
Mai informacions sul sit web de Bidasoa activa: www.bidasoa-activa.com, o al telefòn: 943 633 076.