L’Observatòri Pirenenc del Cambiament Climatic foguèt creat lo 14 de genièr de 2010, jos l’impulsion de la CTP, e son objectiu principal es de seguir e de comprene las evolucions del climat al nivèl dels Pirenèus, per limitar son pic e s’adaptar a sos efieches.
L’acòrdi de collaboracion deu permetre de progressar sus la via de la cooperacion e de l’escambi de las coneissenças scientifics e tecnics qu’existisson sul Cambiament Climatic, de las desvolopar, e tanben de portar de solucions concrètas que permeton de limitar los pics d’aquel fenomèn e de melhorar l’informacion al public sus aquel subjècte.
Per aquò, l’acòrdi fixarà las condicions de cooperacion entre l’AEE e la CTP que permetràn d’avançar segon los tèrmes seguents :
– partejar los mejans e los trabalhs de caduna de las partidas contractantas, per fin d’intervenir d’un biais eficaç en favor del Cambiament Climatic a l’escala locala (Massís dels Pirenèus), en contribuïssent a un apròchi global (contèxt europenc),
– estructurar la coneissança sul Cambiament Climatic e lo tornar clar e accessible per mobilisar l’opinion publica et pervenir a çò que los actors locals prengan consciéncia de l’importància e de l’urgéncia d’agir,
– acompanhar l’adaptacion dels territòris europencs, en se basant sus l’experiéncia de las iniciativas localas qu’an una repercussion internacionala,
– apiejar los trabalhs de l’Observatòri Pirenenc del Cambiament Climatic de la Comunautat de Trabalh dels Pirenèus e la coordinacion amb las accions de l’AEE.
L’Observatòri Pirenenc del Cambiament Climatic presentèt una candidatura per obténer un cofinançament de 65 % dels fonses FEDER dins l’encastre de la segonda sesilha del POCTEFA.