Lo Ret INTERACT, amb lo sosten de la Comission Europèa prepausa d’organizar un eveniment a nivèl europèu entre totes los programas de cooperacion per lor balhar de visibilitat cap al public en general. Aital, la CTP coma autoritat de gestion del POCTEFA en collaboracion amb tot lo parteneriat, organiza lo concors d’art “Frontièra, espaci de cooperacion”, amb tres prèmis de fins a 3000€ en material o en formacion artistica. Après, una exposicion itineranta del meteis nom percorrerà de divèrsas salas del territòri POCTEFA en mostrant lo talent dels joves artistas pirenencs. Aquela exposicion se noirirà de las 20-25 melhoras òbras presentadas al concors e comptarà tanben amb una seccion didactica amb d’afichas de projèctes de POCTEFA e una vidèo de 4-5 menutas sus POCTEFA e los sieus projèctes.
Per d’informacions mai complètas sul concors, compresas las basas complètas, visitatz lo sit de la CTP.