La Comunautat de Trabalh dels Pirenèus (CTP) celebrarà lo 10 de novembre de 2016 son XXXIV Conselh Plenari a Bordeaux. La Region Nouvelle-Aquitaine aculhís aquel eveniment dins de la presidéncia rotatòria de la CTP, que exercís fins novembre de 2017.
L’acte, que se desvoloparà entre las 9:00 e las 13:00 oras a Bordeaux, enclurà la signatura d’una “Declaracion Comuna dels Presidents” de las sèt regions que fan partida de la CRP (Nouvelle-Aquitaine, Occitanie / Pyrénées-Méditerranée, Euskadi, Navarra, Aragón, Catalunya e lo Principat d’Andòrra). Los representants participaran tanben en una taula redonda.
Las regions de la CTP sostenon atal son engatjament en la “Declaracion Comuna dels Presidents” e donan seguida al trabalh de la Comunautat de Trabalh dels Pirinèus, annada aprèp annada. Dempuèi mai de tres decennias defendent los interèsses dels Pirenèus e promovent la cooperacion transfrontalièra entre las regions que la compausan.
Lo Conselh Plenari servirà a mai per presentar l’estrategia de la CTP de la man de son director Joan-Loís Valls e conéisser los desfisses transfrontalièrs d’autres massisses amb l’exposicion que realizaran Jean Peurony, lo director general de la Mission Operativa Transfrontalièra (MOT) e Jean Rubio, resposable de mission. Idoia Arauzo, responsabla de l’Observatòri Pirenenc del Cambiament Climatic (OPCC) explicarà lo trabalh d’aquela iniciativa de la Comunautat de Trabalh dels Pirenèus, amb l’intervencion del climatològ Hervé Le Treut, sòci del GIEC (Grop d’expèrts intergovèrnamental subre l’evolucion del climat).
L’eveniment serà disponible en streaming (en dirècte a internet) a travèrs del siti web plenario2016.ctp.org. L’inscripcion non es obligatòria.
Al Conselh Plenari de la CTP, li seguirà un Seminari de presentacion de la 2a crida de projèctes del programa de cooperacion transfrontalièra POCTEFA. L’informacion subre aquel seminari se pòt trobar dins la web del programa.
