Marc Carballido, President delegat de la CTP, la secretària generala e son director an rescontrat fin genièr darrièr a Brussèla la commission europèa e de divèrsas institucions europèas : la DG Regio que gerís la politica de cooperacion de l’Union Europèa, la deputada europèa cargada del rapòrt suls futurs programas de cooperacion, la representacion permanenta de la França a sur Brussèla, la Secretària generala de la Conferéncia de las Regions Perifericas e Maritimas de l’Euròpa aital coma l’ensemble de las representacions de las regions de la CTP e l’ambassairitz d’Andòrra , membres de la CTP.
L’objectiu d’aquelas amassadas : posicionar la CTP coma actor inevitable dins las reflexions dels futurs programas europèus de 2014/2020. La CTP a profechat d’aquel sejorn per presentar sa contribucion al 5en rapòrt sus la Coesion qu’es telecargabla sul siti de la CTP . Aquela contribucion bota en avans la mai valuda que pòrta la CTP per la gestion integrada de las questions que concernisson lo Massís dels Pirenèus e la cooperacion transfrontalièra, apèla en particular a una politica de coesion ambiciosa, amb de mejans enfortidas per la cooperacion transfrontalièra e los territòris de montanha.
La delegacion de la CTP tòrna confortada d’aquel viatge sul ròtle futur dels projèctes de cooperacion que seràn encara melhor dotats financièirament dins la generacion a venir e sus la reconneissença del POCTEFA al sen de las instanças europèas coma estant un exemple de gouvernança territoriala e de gestion de programa europèu per de regions e un Estat.
