Aquela estrategia amassèt dirigents politics e professionals de l’adaptacion al cambiament climatic, e que la CTP foguèt presenta a travèrs de l’Observatòri Pirenenc del Cambiament Climatic (OPCC).
Lo rapòrt “Adaptacion en Euròpa” visa donar una responsa als risques futurs derivats del procès de cambiament climatic en cors. Cal soslinhar la mencion que se fa dins aquel document del trabalh menat a tèrme per l’OPCC per afrontar lo problèma del cambiament climatic a travèrs de la cooperacion entre divèrsas regions e païses europèus.
L’estrategia europèa d’adaptacion al cambiament climatic cerca pas unicament s’anticipar als possibles damatges que se poguèsson derivar del cambiament climatic, mas que cerca tanben d’aprofechar las escasenças e los possibles beneficis que se poguèsson presentar dins aquel nòu contèxt climatic.
Contunha d’èsser complicat establir de projeccions precisas per çò qu’es del cambiament climatic que permetan de calcular amb exactitud quals van èsser los tipes de risques que caldrà afrontar dins un futur, aital coma la siá intensitat. Malgrat aquò sembla pro provat que las zònas de montanha son d’airals mai que mai sensibles e vulnerables a aquel cambiament e que per aquela rason an de besonh d’accions importantas dins aquel domeni. Es per aquela rason que l’estrategia europèa d’adaptacion al cambiament climatic deurà èsser presenta dins los futurs programas operatius de cooperacion territoriala dins l’Union Europèa en l’orizont 2020.
