Quin metòde s’utiliza per far la seguida de las donadas climaticas?, quinas son las escomesas de la biodiversitat envers lo cambiament climatic? Quins efièchs podèm esperar d’una expansion forestala dins los Pirenèus? Aquelas foguèron una partida de las questions dels 11 estudiants del mastèr que collaborèron amb l’OPCC. Los estudiants bastiguèron 6 fichas tecnicas d’investigacion subre aqueles subjèctes i aguèron lo conselh e la supervision dels sòcis del Conselh Cientific de l’OPCC.

S’agís del prumièr projècte de collaboración que se mena entre l’OPCC i estudiants d’un mastèr universitari. Aquesta cooperacion es estada possibla mercés a un Programa Operatiu Collectiu (POC).

L’experiéncia es estada doblament positiva, en permetre qu’estudiants de mastèr melhòren sas competéncias dins l’encastre de la recèrca e aprofundisson sas coneissenças en subjèctes que son en relacion amb lo cambiament climatic. D’un autre costat, l’OPCC s’es beneficiat de l’apòrt d’idéias novelas dels estudiants, a l’encòp qu’a melhorat sa visibilitat i potenciat sa preséncia dins de malhums cientifics universitaris.

Per mai informacion, se pòt conultar la Newsletter nº3 de l’OPCC.

Se volètz consultar las fichas tecnicas, cal far clic aquí.

Recòrd: lo 6 de novembre de 2013 que ven, l’OPCC organiza a Pamplona lo Colòqui Internacional subre lo cambiament climatic dins d’airals de montanha. Mai d’informacion dins lo ligam çai-jos.