Aldaketa Klimatikorako Pirinioetako Behatokia 2010eko apirilean jarri zen martxan eta lurraldean lan egiten duten eragile ugari kontsultatu dira, Pirinioen gaineko ezagutza zientifikoak sailkatzeko asmoarekin eta aldaketa klimatikoak eragiten duen talka zuzena edo zeharkakoaren gaineko ezagutzetan sakontzeko lanak abiarazteko.
Aldaketa klimatikoaren adierazleen definizioaren aurretiko sailkatze berri honi esker 240 ikerketa eta proiektu abiarazi dira mendikatearen inguruan eta hauetako 180 baino gehiago ustiagarriak dira.
Lehen etapa honen ondoren, Pirinioetako Lan Elkarteko (PLE) kideek, lurraldeko eragile sozio-profesionalak eta Kontseilu Zientifikoko kideek, gaikako lan taldetan banatuta, partekatutako Pirinioetako profilaren proposamena abiarazi dute (aldaketa klimatikoaren aurrean mendikateak dituen ezaugarri eta apustu nagusiak zehazteko) baita jarraipena egiteko adierazleak ere.
PLEko XXVIII. osoko kontseiluan, Aldaketa Klimatikorako Pirinioetako Behatokiak, honen Zientzialari Kontseiluaren babespean, bere lana laburbiltzeko eta sentsibilizazio lehen txosten publikoa kaleratzea erabaki du (deskargatu frantsesez eta gazteleraz).
Behatokiak aurrera jarraitzeko helburuarekin bat jarriko da martxan, adierazleen gaineko informazioa biltzeko sektore ekonomikoentzako eta ingurune ahulenetan egokitzapen estrategia posibleak aztertzeko. POCTEFAk kaleratuko duen proiektuen hurrengo deialdian egingo da hau.
