Los reportatges candidats al prèmi pòdon èsser redigits dins una de las lengas d’usatge dels Pirenèus (catalan, francés, espanhòl, basc, aragonés o occitan). E dempuèi 2002, per donar una dimension mai internacionala al prèmi, los reportatges en anglés son egalament acceptats. Lo prèmi es dotat de 6000 € pel Govèrn d’Andòrra que son 3000 € pel prèmi del reportatge audiovisual (television o ràdio) e 3000 € pel prèmi del reportatge de premsa escricha.
Lo jurat pòt excepcionalament e amb lo consentiment dels autors prene en consideracions de reportatges que s’adaptarián a l’esperit del quite prèmi se son pas presentats.
Los reportatges candidats acompanhats del formulari d’inscripcion lor calga aver mandat abans lo 31 de julhet de 2012 a la Biblioteca Pública del Govern, Ed. Prada Casadet, AD500 Andorra la Vella, Principat d’Andorra.

Zoom sus l’edicion 2011
Lo jurat de la setzena edicion del prèmi Pirene de jornalisme interpirenenc, format per Andrés LUENGO (redactor de El Periòdic d’Andorra), Pati MOLNÉ (cap de comunicacion de Molines Patrimonis)e Marisol FUENTES (directora de Ràdio Ser Principat d’Andorra), après aver examinat los 31 trabalhs presentats, 23 en premsa escricha e 8 en ràdio e television, a decidit entre el d’autrejar los prèmis seguents:
–          En categoria Premsa Escricha: 1500 èuros son estats atribuits a Alberto Martínez Embid per l’ensemble dels sieus articles publicats sul blog Desnivel entre los meses de febrièr e mai 2011: http://albertomartinez.desnivel.com/blogs/2011/02/
–          Lo primièr prèmi Pirene de reportatge en premsa escricha es estat declarat desèrt.
–          En categoria Premsa Audiovisuala: 1500 èuros son estats atribuits al reportatge radiofonic “Excursion sonore: le conteur des cimes” de Patrick Avakian, emés per Campus FM Tolosa dins l’encastre del programa H1000 en març 2011.
Lo jurat a apreciat la siá qualitat sonòra, la siá elaboracion suenhada aital coma la manièra de descriure los païsatges a travèrs d’un mèdia coma la ràdio ont las images deuen èsser recreadas per mejan d’elements sonòres, amb las dificultats qu’aquò compòrta.
–          Lo primièr Prèmi Pirene de reportatge en premsa audiovisuala, de 3005 èuros, es estat autrejat al reportatge «BC Andorra 40 anys 1970-2010» de Xavier Mujal, David Ramos e M. Creu Rosell, emés per Andorra Televisió lo 10 de febrièr 2011.
Lo jurat a apreciat la siá originalitat e l’emocion que transmet aquel trabalh que, per mejan de l’espòrt, ofrís una vision particulara de l’Andòrra e de la siá evolucion. Aquel reportatge es interessant pel grand nombre de testimoniatges que i apareisson e per la siá valor dins lo mond del basket
 
Per mai d’informacion sus 2012: www.pirene.ad
e-mail: bibliopublica@andorra.ad
Tel.: +376 828 750     Fax.: +376 829 541