Totas las personas interessadas en assistir a la presentacion del nou programa qu’aurà luòc lo 29 de setembre de 2015 a Saragossa se pòdon inscriure en aquel ligam: www.seminariopoctefa2014-2020.eu
Las plaças son limitadas e se recomanda que las inscripcions se realizen l’avanç possible.
Dins d’aquel seminari, que se debanarà tota la jornada, se presentaran los aisses e los objectius del Programa, se tractaran subjèctes financièrs subre los projèctes e s’informarà subre las novetats per rapòrt al programa anterior. A mai, se debanaran cinc talhièrs tematics subre los cinc aisses del programa, pendents los quals los assistents podran resoldre sos dobtes subre totes los aspectes relacionats amb subjèctes coma lo Programa o la candidatura de projèctes. Atal, se donaran a conéisser exemples de bonas practicas e se facilitarà lo contacte entre sòcis de projèctes potencials.
Dins la web del seminari, i a disponible lo contengut detalhat del Seminari, atal coma las donadas practicas e lo formulari per s’inscriure.
Uns jorns avanç del reng-de-pè, lo 10 de setembre, se dobrirà la Primièra crida de projèctes. Los beneficiaris auran dos meses per mandar sas candidaturas.
Podètz trobar aquí los primièrs documents de la Crida.
